【中環地道西班牙菜】屹立香港23年 品嚐正宗西班牙中部菜!

 

香港食西班牙菜的地方好多，但大家有冇去過專食西班牙中部地道菜嘅餐廳呢？位於中環的Olé 西班牙餐廳已經開咗23年，一直都以正宗西班牙菜見稱，今次兩位西班牙籍總廚 Antonio Martin 和 Jesus Pascual 聯手打造，集合六道罕有西班牙中部菜嘅卡斯蒂利亞菜菜單，有西班牙風乾牛肉﹑傳統炸青口﹑烤羊腿肉等等，喜歡食西班牙菜的千萬不要錯過!

卡斯蒂利亞菜菜單包含4款前菜、4選1主菜同2選1甜品。4款前菜有Cecina 西班牙風乾牛肉、Tigres 傳統炸青口、馬德里炸魷魚同Callos 燉牛肚辣腸鍋。

 

Cecina 西班牙風乾牛肉係一道好傳統嘅菜式，同時都係一個好有特色嘅開胃菜。主廚用左火箭菜、芝士同杏仁片去搭配出產自里昂嘅風乾牛肉。雖然佢嘅配搭好簡單，但芝士嘅濃郁同風乾牛肉嘅鹹香十分之夾，令小編留下深刻印象!

 

Tigres 傳統炸青口係來自首都馬德里嘅一道傳統菜式。大廚將青口肉取出切粒同Béchamel 汁一齊煮，再釀入青口殼沾上蛋漿同麵粉去炸至金黃香脆。一切開，青口同洋蔥嘅香味撲鼻而來，餡料釀滿成個青口殼，每一啖都食到香脆嘅外皮同濃郁嘅青口鮮味。

 

4選1的主菜有塞哥維亞式烤羊腿肉、Pisto Manchego 燉菜鍋配 48 個月伊比利亞火腿 及 流心蛋、西班牙扁豆鍋 配 鵪鶉及鵝肝同Pavía 馬德里焗鱈魚配藏紅花製作醬汁。小編就揀咗塞哥維亞式烤羊腿肉同Pavía 馬德里焗鱈魚配藏紅花製作醬汁。

 

塞哥維亞式烤羊腿肉係用咗塞爾維亞傳統方式炮製，用鹽、水同胡椒去作簡單醃味，再用慢火烤焗3個鐘。羊腿肉煮到骨肉分離，肉質腍滑，調味唔會蓋過咗羊肉的味道，只有輕微羶味，怕羶嘅人都可以一試~

 

2選1甜品有Rosquillas 西班牙冬甩同西班牙炸鮮奶，小編最鐘意西班牙炸鮮奶，酥脆嘅外皮加上牛奶同肉桂香味，同我地平時食到嘅傳統炸鮮奶感覺好唔同，再配上雲呢嗱雪糕，奶香味又再提升多個層次16道罕有嘅西班牙中部菜，只需要每位 $480 就可以享用到，仲唔快啲book位!

 

Ole Spanish Restaurant

中環雪廠街24-30號順豪商業大廈1樓