【$150開幕價試堂！】愉景灣溜冰場DB Ice Rink 優惠價享半私人溜冰初體驗😍全港獨有渡假式溜冰體驗！

Abby係好鍾意試新嘢嘅小朋友，好鍾意睇人溜冰，當然佢自己都想學埋一份啦。

五月初天氣真係好熱呀，今次帶Abby去愉景灣行個圈，據聞開咗個全新嘅溜冰場DB Ice Rink，諗諗下不如帶佢去試下，睇下佢鍾唔鍾意先。

今次好好彩可以得到高級教練Harry哥哥教Abby試堂！愉景灣溜冰學校邀請到前香港花樣滑冰代表隊運動員李厚賢（Harry Lee）出任高級溜冰教練，另有專業教練團隊，以頂尖的花滑技術和專業知識教授學生紮實的溜冰技術。李教練曾多次代表香港出席多個花式溜冰比賽，更於本地及國際賽事屢獲殊榮，包括6次赢得香港花樣滑冰錦標賽冠軍，以及3次獲得亞洲花式滑冰錦標賽殿軍，是香港首名土生土長及在香港花樣滑冰等級測試獲得運動健將級的男性運動員。真係好利害呢！

李教練非常有耐性，先教Abby雙手平衡，然後單腳企上冰，慢慢掌握喺冰上嘅步行感覺，就畀佢試下用輔助器嚟自己試下玩！真真正正試到溜冰嘅感覺喺點！估唔到短短半個鐘就已經有唔錯嘅基本功啦！

教練話小朋友五歲嚟學係最吸受嘅，但其實原來三四歲嘅小朋友已經可以嚟玩！教練話呢個場夠大，音響夠好，好適合練花式練冰！而且呢個場仲支援冰上曲棍球嘅教學，設施同埋教學團隊咁強，唔怪得咁受歡迎啦！

花式溜冰嘅考試有十級，基本上小一只會去到第一級。教練話如果小朋友有心喺溜冰發展，要每星期都玩番三日每日練一個小時以上先至可以進步神速。正所謂台上一秒鐘，台下十年功，教練都係不斷持續訓練先有今時今日嘅成就架咋！

Abby玩到唔捨得走呀！佢話要睇埋其他小朋友練同埋花式表演先肯走！今個五月周末仲有佛誕假期都有花式溜冰表演架！

日期：5月週末及佛誕假期

時間：16:15

如果睇完想即場試下溜冰，你可以用優惠價每節HK$150/位（原價HK$250/位），報讀佢哋嘅溜冰體驗班，由專業花式溜冰教練作私人指導，每班限定2-3人，適合一家大細一齊去玩。由於溜冰課程反應熱烈，現時只接受親臨溜冰學校報名及付款！大家要留意啦！

凡於溜冰學校單堂半私人課程消費滿$ 300 或以上，仲可以獲贈$50餐飲禮劵，可於愉景廣場、愉景北商場及D’Deck內餐廳消費。先到先得，送完即止。

開幕價：每節HK$150/位（原價HK$250/位）

人數：每節2-3人

開放時間
：

早上10時至晚上9時(平日)

早上10時至晚上10時(週末及公眾假期)

優惠期至2021年5月31日(佛誕除外)

*由於現時政府預防及控制疾病規例，溜冰場只限開放予溜冰學校學生，公眾溜冰時段將於政府放寬防疫措後重啟。

去愉景灣好方便架咋，去到中環渡輪碼頭坐船，幾個字就到！

沿途風景優美！簡直一個偽旅行咁呀！

沙灘太正！但係Abby太心急去溜冰，一到步就食咗嘢先。

溜冰場喺愉景廣場裏面，就去番入口嗰間餐廳就最就腳，估唔到啲嘢幾好食呀，價錢仲好抵呀！

呢個羊肉漢堡真係好味，誠意推介！

Abby有得食就最開心！

一枝可樂絕對喺大熱天時嘅絕佳享受！

食完行無幾多步就到DB Ice Rink啦！

好多溜冰鞋，佢咁大對腳都有啱嘅冰鞋！

獨有UＶ殺菌燈仲有抽濕機，加快冰鞋風乾！

DB Plaza應有盡有！

D'Deck就好多臨海嘅餐廳!

意猶未盡？可以搭車去愉景北繼續行程！

到啦！

好似去咗北歐小鎮咁呀！

心鎖長廊，長廊嘅欄河上面扣咗好多寫上情侶名字嘅鎖呀！每個鎖都有一個浪漫嘅故事呢！

仲見到好特別嘅電梯！