【華御結大戰Donki飯團】華御結憑一樣嘢KO Donki抵食飯團！（提案試食第一集）

香港人咁忙，連晏晝飯同埋夜晚都未必有時間食！所以飯團自然成為上班一族及學生嘅慳錢果腹恩物。華御結（hana-musubi）開到成行成巿，真係總有一間喺左近，明太子沙律御結價格約為18蚊（唔知係16蚊定18蚊）。不過，後起之秀Donki都不甘示弱，推出12蚊一個，一定係全城至平。咁究竟係平嘢有好，定係要質素同價格成正比呢？今次Lifenews 提案試食就試下兩種飯團嘅高下！

華御結：專整飯團雄霸香港！

飯團分店冠全港：華御結

華御結分店數目冠絕全港，以用日本米做招徠，過江龍已喺香港落地生根，肯定並非泛泛之輩。即買一個明太子沙律嚟睇睇虛實。此飯團購自杏花新城。

包裝外型都唔錯，由於存放雪櫃，指明要客戶食之前要叮20秒，唯有照做。

叮完之後，紫菜仍保留脆感，但接觸碟面一邊嘅紫菜就好似濕咗少少，都無計。但第一口已食到餡料。

食到三分一，餡料香味不錯，配以沙律醬仲有流沙感覺。味道香濃適中，抵讚。

食到三分之二，餡料充滿飯團內，大部份的飯粒都沾有餡料，不錯！食完整體感覺有滿足感！

小編畀華御結嘅評分（25 / 30）：

包裝：

價錢：

紫菜脆感：

飯粒：

餡料：

味道：

後起之秀Donki：乜都做，仲做埋飯團！

Donki受歡迎程度唔駛多講，因為佢乜都有，好方便。價格熱情，夠晒平！
但係好唔好食呢，咁就要試試。此飯團購自藍灣半島Donki。

第一啖，紫菜係脆嘅！好驚艷嘅脆口感覺！只見到少少餡料

去到三分一，餡料好似唔係咁多，味道唔係好夠，要加啲想像力，要諗番首洗腦歌去平衡下心情！

去到三分二，餡料不如華御結咁平均搓勻埋啲飯度，餡料較少，味道唔係太夠，亦無華御結般餡料咁足同埋亦無流沙感覺，整體較乾。

小編畀Donki飯團得分（23 / 30）：

包裝：

價錢：

紫菜脆感：

飯粒：

餡料：

味道：

總結：華御結始終專心做一件事，所以品質稍勝是有原因！不過Donki走平價路線始終有捧場客！各有千秋！大家仲想小編試食乜嘢，歡迎話我哋知，我哋就去準備！