【大西北的朋友有福了】令人一試難忘嘅Cheese and Chives Scone!

 

平時大家去cafe，一諗就會諗住去深水埗、中環、西環等地，但其實元朗都悄悄地開咗好多新cafe。

 

雖然Cruising Coffee 麻雀雖小，但睇得出佢哋喺裝修方面用咗唔少心機，一抬頭就會望到Cruising，原來老闆娘以前係從事航空業，Cruising 即係代表滑翔嘅意思，想表達呢到令人有安穩舒適嘅感覺，入到嚟都真係覺得好舒服，除咗影相打卡之外，都會想好好同朋友傾吓計悠悠閒咁渡過一個下晝。

 

雖然試業期間暫時未有主食，但佢哋嘅包點甜點都係十分出色。最令人難忘嘅必定係Cheese and Chives Scone，平時食scone多數都係甜食，配以果醬同cream cheese，無諗過咸嘅scone都可以咁好食，芝士同蔥嘅配搭比例啱啱好，兩者互相都無掩蓋咗對方嘅味道❤️而鍾意食甜嘅朋友亦可以考慮試吓Dark Chocolate Scone 同Cheese Cake。

 

咖啡水準亦不俗，拉花有心思，一邊食蛋糕一邊飲咖啡，簡直係Perfect afternoon。