【土瓜灣復古小店】𣊬間轉移的魔法 必去日式咖啡店!

 

可能好多人都無諗過土瓜灣呢個小社區，會有一間咁有性格嘅cafe。一入到去，你就好似由地球𣊬間去咗另一個星球咁，而嗰個就係呼吸星球。

 

呼吸星球主要係走80年代懷舊復古風，餐廳由裡到外都有好多唔同打卡位，鍾意影相打卡嘅你哋一定會影到好多靚相滿載而歸。

 

話明係cafe，點可以只講打卡位，唔講嘢食？！

 

燉A4鹿兒島和牛肉蓋碗盛定食 ($92)

呢個真係必點，牛肉燉到好軟身易咬，但又唔會無咗應有嘅口感，而且呢個做法令人容易食到牛肉本身嘅香氣同味道！

 

日式薯仔沙律 ($33)

鍾意食薯仔嘅你哋真係唔可以錯過，調味同蔬菜粒大細都做得啱啱好～

 

食完主食仲可以叫埋甜品直落，而甜品就有小英式鬆餅同香蕉朱古力雪糕窩夫，都係唔錯嘅選擇。

 

 

呼吸星球

土瓜灣馬頭角道91號地舖