【十級驚嚇！的士成車木蝨！】網民大吐苦水！

咦，痕痕哋嘅，原來成部的士都有木蝨！
有網民喺 的士乘客及司機行為分享區 反映搭的士發現有啲痕...即睇網民喺「的士乘客及司機行為分享區」嘅原文

警告: 勿搭車牌 NJXXXX 嘅紅的, 成車蟲啊!

尋日 (14號) 出去做完嘢, 5個人搭呢架車返office

臨到隻手唔為意撳到啲嘢出血, 原來係蟲

然後發現車廂入面周圍都係木蝨

畀錢嗰陣望住一堆大大細細喺司機衫領爬嚟爬去

落車之後個個身上都有

我就只係向前坐咗半張凳, 衫褲鞋袋都搵到超過10隻

又掉嘢又浸熱水, 清潔消毒都搞大半日

到咗今日其中一位同事個身上下到處紅扑扑, 又痕又痛

已經投訴咗, 但未知要搞到幾時

諗起架車仍然係街度載客就起雞皮