【素食者福音】尖沙咀日式木系咖啡素食小店 牛油果🥑愛好者必去

 鍾情素食嘅朋友而又鍾意飲咖啡嘅朋友有福了，位處於尖沙咀柯士甸道嘅齋啡絕對係唔可以錯過～

齋啡嘅設計風格主要走日式木系style，一入去令人有種溫暖、好似返咗屋企嘅感覺，真係好舒服～不過餐廳嘅座位比較少，等嘅時間可能會耐少少，而想坐門口嘅打卡bar枱位嘅朋友就可能要早啲去排隊啦！

今次就係因為佢個柚子蟹肉牛油果bagel而嚟，果然無令人失望！bagel有預先焗好，所以bagel上面嘅芝麻食落好香～而牛油果嘅份量都好多，有成半個牛油果🥑再配柚子醬、蟹肉、生菜同蕃茄，食落好fresh，味道層次豐富，真係好好食呀！

唔想食bagel的話，仲可以試試泰式新豬肉同金不換葉所製成嘅墨西哥卷，雖然無平時食開嘅泰菜咁濃味，但不失為一個好選擇。

點少得呢到嘅signature - Earl Grey Vegan cake ，蛋糕口感會比較紮實，不過茶味好重，整體偏甜。

鍾意食素嘅朋友記得快啲bookmark啦！