【手切肥牛關注組！】8折天寒地凍肥牛打邊爐外賣之選！616外賣自取得唔得？

【手切肥牛關注組！】８折天寒地凍肥牛打邊爐外賣之選！616外賣自取得唔得？

近日天寒地凍，限聚令下又不便出街食火鍋，打邊爐最好就喺屋企啦！為咗交流心得，好多網民仲開咗好多打邊爐關注組，又或者係手切牛關注組，主要都係想交流下邊度買肥牛多人（係，越多人即係越有保證），點樣食法至刁鑽至爆呢？

肥牛關注組越嚟越多人

好多人會去九龍城新興文記、屯門新財、荃灣三昌、九龍城李輝記牛欄買肥牛，但人多排隊都有排搞，如果想唔同種類每樣試啲，咁點算呢？而家專做肥牛的火鍋店由於沒有晚巿，只能轉移陣地做外賣自取，佢哋出名選擇多，單點每樣食少少都好滿足呀，究竟可唔可以跟跟牛肉檔爭一日之長短？

多花款每樣少少試更多！

今次我哋試下去616牛肉火鍋專門店嘅外賣自取服務試下，我經官方Facebook嘅google form落單，揀好攞貨日期時間，就揀湯底，再揀套餐或單買，我哋今次係試單買，無揀到湯底。唯一唔方便嘅係張google form無圖，真係要老饕先會知自己叫緊乜，由於真係好肚餓同埋好想試多啲，就係咁易一次過嗌咗幾款。職員一兩個鐘後會打畀你確認訂單，按時去到乖乖畀錢就搞掂。夾埋都係幾百蚊，而家新推服務仲有8折！

Top 10 最受歡迎肥牛部位，同場加映特別介紹

牛朴肉有咬口又有脂肪嘅甘香。

安格斯橫隔肌真係好味，牛味種肉脂分佈剛剛好。

脖仁口感夠煙勒。

俄羅斯牛腹胸肉係最適合打邊爐嘅部位，淥一陣就食得。

牛坑爪，牛味好重質感堅實脂肪更香，強烈推介。

黃喉，乃食口感，點醬食會比較滋味！

牛駝峰，看到肉紋咁靚就知誘惑無比啦！

五花趾即係金錢展，爽口！

牛心呢啲平時較少有得食，非常特別

肩胛翼，我未識讀中間個字！

三花腱無咁肥，對女士嚟講比較啱食

牛舌，唔駛講嘢，絕對是抵食之選！

港島區

🐮銅鑼灣店
網上預訂外賣： http://bit.ly/3bKSrYf
地址： 銅鑼灣謝斐道391-407號新時代中心地下C舖
查詢及訂座電話： 6158 2345
營業時間： 星期一至四 中午12點至晚上11點
星期五、六、日及公眾假期 中午12點至凌晨12點