【飲食情報】元朗區必試西餐 貼地情調餐廳享受牛扒龍蝦
元朗區出咗名多隱世美食，無論係多國美食﹑特色甜品定係地道小吃都可以輕易在元朗區搵到，不少人不惜騎牛入大西北都要專程去發掘隱世美食。今次小編推介呢間元朗區西餐廳，特設露天座位，非常適合週末到訪，在日光下享受慵懶的早午餐，而室內就設有落地大玻璃，怕熱的你也無需要擔心，裝潢以工業風為主，到了晚上相當有情調，非常適合情侶約會。
Chef’s Stage Kitchen 的午市套餐cp值相當高，最平$78已經有交易，套餐更加包括餐湯沙律和餐飲，跟餐的沙律餐包一點也不馬虎，沙律配上風乾火腿，風味十足，牛角包口感鬆脆，當日的餐湯是蘑菇忌廉湯，充斥著濃郁菇菌味，光是前菜已經可以感受到餐廳的誠意十足。
主菜推薦香煎比目魚柳，比目魚份量十足，午市套餐已經可以享受到兩大塊肉質鮮嫩，煎至金黃的魚柳。配菜亦相當精緻，有新鮮的蘆筍和自家製的香甜南瓜蓉，整體配搭得宜。
Chef’s Stage Kitchen 的晚市菜單選擇更多，二人精選套餐已經可以食到板燒穀飼澳洲肉眼扒拼牛油焗芝士波士頓龍蝦，牛扒鮮嫩，肉汁香濃，配上波士頓龍蝦，彈牙可口，絕對能讓肉食族們為之瘋狂。另外，套餐只係需要加$158就可以享受到新鮮生蠔海鮮拼盤，唔好以為跟餐加倍份量就會偏少，海鮮拼盤相當足料，只係百多元已經可以品嚐到生蠔﹑海螺﹑紅蝦﹑青口及海膽，而且每款海鮮都非常新鮮，絕對係物超所值!
唔想點套餐嘅朋友亦都可以單點美國燒春雞，雞肉肉嫩皮香，配上香草燒薯仔﹑美國鮮露筍以及燒蕃茄，蔬菜吸盡雞肉的精華，非常美味! 意粉部分，橄欖油蒜香白酒煮海鑽蜆扁意粉亦有驚喜，蜆肉一點腥味也沒有，每一啖都充滿酒香!
Chef’s Stage Kitchen
地址 元朗西菁街23號富達廣場52-56號地舖
電話27999880
————————————————————————
想知更多著數？記著Like我哋嘅Facebook啦！
Lifenews HK - 生活提案事務所強勢登場！
Leave a Comment