【早午餐提案】懶人零失敗減脂食譜！健康三文治四選

正所謂一日之計在於晨，早上吃一份豐盛營養的早餐，可以促進新陳代謝，更容易達到燃脂的效果，正確開啟精神充實的一天! 但外吃早餐卻非常容易踩地雷，公仔麵﹑菠蘿包﹑油炸鬼等等，真係諗起都邪惡! 不如跟小編一齊試做健康懶人三文治，早上花一點點時間，就可以吃到健康營養的早餐，加上近期疫情嚴重，午餐不想外吃，這幾款三文治也非常適合帶回公司當午餐，清爽健康也很有飽足感!

1. 芝士滑蛋蝦仁小法包

好多人減肥都唔敢食麵包，因為唔少麵包為咗鬆軟嘅質感，同埋香味，都會加入牛油製造，脂肪含量較高，但其實只要適當選擇，減肥都一樣食得麵包架! 法包就是一個不錯的選擇，大多數的法包都以鹽﹑酵母﹑麵粉和水為主要材料，脂肪含量非常低! 配上炒蛋和蝦仁，補充滿滿的蛋白質!

首先把雞蛋加入牛奶混合，再放入鍋中以小火拌炒，想要嫩滑的口感就不要炒太久。蝦仁用酒﹑鹽﹑胡椒醃5至10分鐘，放入滾水燙熟即可。把法包切開一半，加上芝士，放入焗爐120度烤五分鐘，取出放上炒蛋和蝦仁就完成啦!

2. 燻牛肉芝士法包

嫌開火炒蛋太麻煩? 唔緊要，可以選擇呢一款燻牛肉芝士法包，唔使開火就可以完成，最適合懶人。只要在法包上放上芝士，再放入焗爐烤五分鐘，取出後放上生菜和即食燻牛肉片就可以啦! 特別推薦配上墨西哥辣椒，和牛肉非常搭配，可以增添風味!

3. 鰻魚滑蛋饅頭堡

有唔少人都長了個亞洲胃，吃不慣冷冰冰的三文治，不如試下呢一款鰻魚滑蛋饅頭堡! 外面吃到有鰻魚的料理，通常定價也不會低，但其實現時有不少大型超市都有急凍鰻魚出售，一份可以分兩三頓吃，絕對係小資女首選! 特別選用了全麥饅頭，可以增加膳食纖維降低消化速度，減肥的人也適合食用! 只需要將鰻魚切開放入微波爐叮熱，再把饅頭切開，放上炒蛋﹑就可以享受到鰻魚滑蛋饅頭堡!

5. 牛油果煙三文魚忌廉芝士貝果

講到近年大熱的麵包，就不得不提貝果，充滿嚼勁，吃完還有滿滿的飽足感，絕對令你一試愛上! 牛油果﹑煙三文魚﹑忌廉芝士呢一個黃金組合，清新美味又健康，大家一定要試下! 只要把貝果切開，噴上少量水，防止貝果變得乾硬，再放入焗爐烤熱，然後塗上忌廉芝士，加入牛油果和煙三文魚就完成啦!

————————————————————————

想知更多著數？記著Like我哋嘅Facebook啦！

https://www.facebook.com/lifenewshk

Lifenews HK - 生活提案事務所強勢登場！

https://www.lifenewshk.com/