【泰國好去處】榴槤控必試！人氣甜品店推榴槤芝士蛋糕 鋪滿切件榴槤超足料！

 

請Like我哋個Page：

生活提案事務所 Lifenews HK

踏入初夏，又到咗食榴槤嘅季節～泰國人氣甜品店Ivan Factory就趁榴槤當造，再推出皇牌榴槤芝士蛋糕！如果你以為佢只係榴槤味Cheesecake，咁就太低估佢啦。皆因整個芝士蛋糕上面鋪滿原件榴槤，非常足料，淨係賣相都夠哂震撼。

驚拎住咁大個榴槤蛋糕太引人注目，店舖仲貼心提供外賣服務，覆蓋全泰國大部分地區。只要透過Line用英文下單，蛋糕就會準時送到酒店，方便快捷。細食嘅朋友們都唔使擔心，店舖仲有提供正方形盒子蛋糕，一個人都食得哂！

泰國喺5月起已經開關，只要打齊2針，入境就可以免隔離免檢測，各位榴槤迷不妨去大開「食戒」！如果趕唔切去轉泰國，其實香港都有得賣同店嘅急凍金枕頭榴槤芝士蛋糕。雖然外表冇咁澎湃，但食落一樣啖啖榴槤肉，蛋糕喺HKTV Mall、遊牧雜貨等均有發售，有興趣嘅就快啲下單啦！

（圖片來源：Instagram @ivanfactory）

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！