【 全民造星IV 】Ash 離婚後風波不斷！前夫衝動喺MC IG Live留言「踩場」 之後向 MC 致歉 ？

 

請Like我哋個Page：

生活提案事務所 Lifenews HK

全民造星IV上個月尾已經完結，其中Ash雖然被爆已係人妻，又無緣入決賽，但係仍然人氣高企，被睇好係女團人選之一。 不過星期一清晨，Ash突然喺社交平台宣佈同台籍老公和平離婚，其後更被網民爆料，指佢平安夜同早前合作拍MV嘅MC一齊行超市，懷疑佢同MC「假戲真做」。而Ash前夫琴晚更亂入MC嘅IG Live「踩場」，引起網民熱議！

其實喺Ash同MC傳出緋聞初時，前夫一直護花心切，指平安夜當晚Ash係同自己渡過，之後又改口話Ash係同MC出席慶功宴。近日前夫已經離開香港，翻去台灣生活，IG一直紀錄隔離期間嘅生活。不過琴晚前夫突然亂入MC嘅IG LIVE，留言「如果你真的喜歡Ash就要好好對她」，引起網民猜測呢場婚變同MC有冇直接關係。

圖片來源：Instagram @taiwan_fatboy

 

圖片來源：Instagram @taiwan_fatboy

圖片來源：LIHKG

不過前夫冇幾耐之後就刪除所有曖昧留言，仲出Story指最近嘅精神壓力好大，為自己嘅衝動向MC道歉。但係佢就一改對前妻Ash嘅深情，批評佢冇嚟送機、不聞不問，仲話「鍾卓穎我恨你」。不過現時前夫已經刪除原本嘅IG帳號，並開咗一個新嘅IG帳號，專門記錄喺台灣嘅防疫生活，又話唔會再提及有關Ash嘅話題。到底事件係咪會就咁落幕，小編會繼續幫大家跟進！

圖片來源：Instagram @ howogo_1000

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！