【關公災難】雪姨開箱一人盆菜 被批踩良心茶記基隆賣廣告

 

請Like我哋個Page：

生活提案事務所 Lifenews HK

富貴 KOL雪姨近日拍咗條YouTube片引嚟公關災難，事關影片中雪姨拎咗3間盆菜作為開箱影片，其中一間係深水埗良心小店基隆茶餐廳，佢哋嘅一人盆菜只賣$128，而拎嚟同佢對比則為五星級酒店Ritz Carlton同帝京酒店嘅盆菜，價錢分別為$688同$788，網民認為雪姨拎差價咁大嘅3間盆菜作比較根本唔公道，加上基隆茶餐廳長年向街坊長者派飯做義工善事，如今被雪姨拎黎同高級餐廳比較，令民憤加深。而最令網民髮指嘅係，雪姨以「質素較差」嘅盆菜引出髮菜唔可以少，從中好畀佢可以引入贊助商產品養髮液嘅植入式廣告。

影片一出引嚟一面倒負評聲音，雪姨一開始發聲明係Content team同事嘅錯漏，但身為老闆嘅佢責無旁貸，網民當然唔收貨，仲話佢推卸責任。直至昨日(23日)，雪姨為造成對基隆茶餐廳嘅影響誠懇致歉並即時下架影片。但網民依然對「用踩唔關事嘅人嚟賣廣告」感觀極差，除咗開始係雪姨社交平台洗版式謾罵外，由雪姨有份主辦嘅新年市集大乾爹市集亦受杯葛，不少人罷去之餘連部分檔主都激動表示不再擺檔，會即時執野走！

而基隆茶餐廳都喺自己社交平台上表示憤怒，覺得此舉詆毀餐廳聲譽，問心無整到雪姨所講到咁難食，佢又講到餐廳老闆白手興家服務社會，而員工每日辛勞工作付出，或者會考慮告雪姨誹謗。貼文一出唔少市民響應幫趁基隆茶餐廳嘅盆菜，以行動支持佢哋。

 

請Like我哋個Page：

生活提案事務所 Lifenews HK