【逾30萬人聯署要求停播！】Blackpink Jisoo新劇《雪降花》滑鐵盧！捲入歷史爭議遭抵制 多間贊助商要求撤廣告

 

請Like我哋個Page：

生活提案事務所 Lifenews HK

《雪降花》除咗係Disney+其中一套獨家主打韓劇，更加係人氣女團Blackpink成員Jisoo首度擔正之作，喺開播前已經備受關注。而《雪降花》喺上星期六（18日）上線之後，隨即引起軒然大波！除咗Jisoo同男主角丁海寅嘅演技備受批評之外，更捲入歷史爭議，遭到韓國網民聯合抵制。反對嘅網民甚至喺青瓦台請願網站發起聯署，要求停播《雪降花》，至今已經超過30萬人聯署！

（圖片來源：青瓦台請願網站）

其實《雪降花》早喺企劃階段，已經引來唔少反對聲音，批評劇本同劇情設定係「歪曲歷史」、「美化獨裁政權及間諜」、「貶低民主化運動」等等，但製作組當時強調並冇呢個意圖，而男女主角亦冇參與民主化運動，但未能平息網民嘅不滿。《雪降花》開播之後隨即受到網民抵制，除咗請願停播之外，更加聯合抵制《雪降花》嘅贊助商，導致Dyson、Nut’s Shake、Milliens等多間企業宣佈取消贊助或撤回廣告。

而製作《雪降花》嘅JTBC電視台，就冇公開回應事件，只係關閉咗官網同NAVER TALK嘅留言板，令網民覺得JTBC拒絕溝通，無疑係火上加油。到底《雪降花》會唔會真係如網民所願停播？小編都好想知道後續點發展！

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！