【新城2021】MIRROR狂掃九獎成大贏家 Edan奪第一個新人獎！

 

請Like我哋個Page：

生活提案事務所 Lifenews HK

 

嚟到年尾又係樂壇頒發「成績表」嘅日子啦!琴晚（27日）就喺灣仔會展永舉行今年第一個頒獎禮《新城勁爆頒獎禮2021》。要數到今年嘅大贏家一定係2021年爆紅嘅人氣男團MIRROR啦，佢哋喺頒獎禮上橫掃九個獎，分別包括勁爆組合、勁爆歌曲《BOSS》、Jer柳應廷奪勁爆男歌手、Lokman奪勁爆新人、Ian/Anson Lo/Anson Kong(AK)橫掃勁爆人氣偶像三個席位、Edan奪勁爆我撐新人、姜濤奪勁爆我撐歌手／組合／樂隊。恭喜MIRROR收到咁好嘅成績啊，希望佢哋來年接住繼續努力為大家帶嚟更多好作品啦。

而得獎後，幾位成員都喺個人社交平台分享得獎嘅感受，Edan就話呢個係佢嘅第一個個人獎項，多謝大家嘅投票同支持，佢會繼續努力。而Jer就分享追夢整個過程嘅感受，話有追夢嘅勇氣並唔簡單，鼓勵同行嘅人堅持住追夢。而Anson Lo都有多謝新城同一眾神徒，佢將會喺2022年繼續努力做音樂畀大家。

 

請Like我哋個Page：

生活提案事務所 Lifenews HK