【全民造星IV】殘酷「大屠殺」！再淘汰15人變40強 再有人氣參賽者被Foul 女版Edan同Ian都冇得留低？

 

請Like我哋個Page：

生活提案事務所 Lifenews HK

經過五輪小組對決，已經有五位參賽者不幸被評判淘汰，其中包括靚聲唱將Emiko同靚女護士Ash，亦令到網民嘅怒火去到頂點！不過更殘忍嘅事陸續有來，為咗選出40強，導師許廷鏗同梁祖堯仲要親手Foul走15個參賽者，真係好難抉擇！

（圖片來源：Viu TV官網）

而今輪嘅淘汰人選都一如往常咁難以捉摸，甚至令人跌哂眼鏡。其中花姐點名讚係「女版Edan」嘅莎莎，就因為空間感唔夠好，而被梁祖堯淘汰。而親和力爆燈、撞樣Ian嘅何佩，就被許廷鏗批評佢太固執，「唱歌執佢一句，執咗十次都執唔到。」同樣被揀中淘汰，其他參賽者都難掩驚訝神情。

（圖片來源：Viu TV官網）

而曾被女團經理人Wing點名睇好嘅燒賣，就因為學業同家庭阻力被梁祖堯淘汰。但係祖祖亦都許下承諾，應承會繼續教佢。而上一輪被復活而被鬧爆嘅39歲Ling，今輪亦因為抗壓力不足，而成為淘汰名單其中一員，唔知能唔能夠稍稍平息網民嘅怨氣呢？

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！