【精選10間2021超抵Staycation酒店！】人均低至$385！有啲包你冇聽過但勁高質！
都已經好耐冇得搭飛機去旅行，睇怕未來一年都唔使諗太多⋯為咗保持旅遊時所獲得嘅正能量同快感，唯有係香港Staycation頂住先！如果你唔係每次都要住貴價酒店，但又想搵特色或性價比高嘅Package，咁就要繼續睇落去！Show
Time！為大家介紹人均低至$385至$770嘅Staycation！
你冇睇錯，係$1,080起，人均只不過係$540！依間酒店對於好多人嚟講，可能比較陌生，但非常值得一去！因為佢集酒店住宿、共享空間、藝廊於一身，你可以入住充滿藝術感嘅客房，女士更有機會著懷舊服飾瘋狂打卡！男士們唔好驚到時會做咗專屬龍友住，Package仲有得揀茶啡體驗活動！係時候多啲認識香港嘅藝術文化喇！
補充資料
地址：油麻地砵蘭街68號
Staycation價錢：$1,080起（人均$540起）
如果想睇更多資料，可以參考依個網址
唔小心比小編搵到個超抵Package！雖然位置係鴨脷洲有少少偏遠，但係好啱文青去！整間酒店以灰同白為主調，加上木製家具同擺設，一整個感覺就係時尚簡約！至於客房都唔差㗎，落地玻璃窗可以見到鴨脷洲城景、香港仔海峽等景色！推介平時住新界九龍嘅朋友仔去下，感受下鴨脷洲獨特嘅老香港情懷！
補充資料
地址：鴨脷洲新市街29號
Staycation價錢：$880起（人均$440起）
如果想睇更多資料，可以參考依個網址
3. The Hari Hong Kong（$1,540起）
依間酒店2020年底先正式開幕，所以設備都好新好齊，鍾意試新事物嘅你一定要去！如果啱啱推介嘅城木酒店屬於文青風，咁依間酒店就一定係英倫風，又可以瘋狂打卡24小時！雖然唔關Package事，但話比大家知，整間酒店只有3間套房，而每間房都有一個私人露台！如果你富可敵國，可以考慮下入住，同愛人一齊欣賞金鐘、灣仔夜景！
補充資料
地址：香港灣仔駱克道330號
Staycation價錢：$1,540起（人均$770起）
如果想睇更多資料，可以參考依個網址
4. Little Tai Hang（$1,150起）
佢係一間位於大坑嘅精品酒店式公寓，由本地設計師創辦同設計。一去到就會見到超有歷史感嘅紅磚外牆，女士們又要停低腳步打卡⋯特別推介海景房型Corner
Studio，因為係唯一一個有浴缸嘅房！可以一路浸、一路望住維港靚景，真係諗下都興奮！唔好以為依個房型係最貴，佢反而係最抵！
補充資料
地址：香港銅鑼灣道98號
Staycation價錢：$1,150起（人均$575起）
如果想睇更多資料，可以參考依個網址
5. 香港維港凱悅尚萃酒店（$970起）
相對以上4間酒店，大家可能對依間較有印象。因為一定見過有朋友或者朋友的朋友，係大理石浴缸打過卡！不過提提大家，要揀尊貴海景客房（Deluxe
Harbour View）先會有大理石浴室，同埋贈送嘅絕美維多利亞港景色！
補充資料
地址：香港北角北角邨里1號
Staycation價錢：$970起（人均$485起）
如果想睇更多資料，可以參考依個網址
6. 港島海逸君綽酒店（$1,086起）
北角真係有幾多性價比高酒店！港島海逸君綽酒店係非常熱門嘅Staycation選擇，少少錢就可以欣賞到維港優美景色，真係諗唔到咩理由唔去住囉！價錢相對貴嘅尊貴露台海景客房同埋行政露台海景套房，更設有特大露台同巨型露天浴缸，如果預算夠，考慮下入住啦！
補充資料
地址：香港北角油街23號
Staycation價錢：$1,086起（人均$543起）
如果想睇更多資料，可以參考依個網址
7. 香港康得思酒店（$1,307起）
今次係女士專屬推介！佢哋有一個「BFF閨蜜派對」，包4位客房住宿、4人早餐、氣球佈置、蛋糕同埋氣泡酒，真係超抵！如果想飛走男朋友／老公，同好姐妹來一個狂歡嘅Girls
Night，咁香港康得思酒店Staycation Package會係你嘅最佳選擇！
補充資料
地址：香港旺角上海街555號
Staycation價錢：$1,307起（人均$654起）
如果想睇更多資料，可以參考依個網址
8. The Pier（$1,120起）
嗱，小編冇hea推介㗎，依間酒店好少聽到啦？The
Pier位於西貢白沙灣，一聽就知，房間可以望到超醉人海景！酒店設有露天泳池，個景仲要對海，真心好有去咗外國旅行嘅感覺！游完水仲可以去隔離天台花園，同朋友情人望住靚景、一路吹水一路chill！
補充資料
地址：香港西貢白沙灣街9號
Staycation價錢：$1,120起（人均$560起）
如果想睇更多資料，可以參考依個網址
9. 美麗華酒店（$770起）
尾二一間，想推介返近市中心少少嘅酒店比大家。地點方便、價格便宜，兩個人去的話，每個人都只不過比$385起！最重要係，夜晚玩到覺得肚餓，一落樓下就係Don
Don Don Donki！凌晨行Donki真係極爽，係入面跑100米都冇人阻到你！
補充資料
地址：香港尖沙咀彌敦道118號
Staycation價錢：$770起（人均$385起）
如果想睇更多資料，可以參考依個網址
10. 香港沙田凱悅酒店（$1,155起）
新界嘅朋友仔，我都知你哋唔想出城，所以最後搵咗間位於沙田嘅酒店。佢係中文大學附近，係咪即刻覺得有人傑地靈嘅感覺？另外佢都好適合一家大細住，客房同套房都非常寬敞，又有戶外泳池、網球場等設施，小朋友去到一定好開心！
補充資料
地址：沙田澤祥街18號
Staycation價錢：$1,155起（人均$578起）
如果想睇更多資料，可以參考依個網址
Leave a Comment