【工作狂最愛!】鍵盤形Waffle機 隨時整到任你撳又香噴噴嘅窩夫~






 

請Like我哋個Page:

【工作狂最愛!】鍵盤形Waffle機 隨時整到任你撳又香噴噴嘅窩夫~

平時返工返學用得多鍵盤,就會發現一副好嘅鍵盤有幾重要,但係你有冇諗過有一日「鍵盤」都可以成為你嘅食物?講緊嘅係由Chris Dimino 同佢嘅團隊辛苦製成嘅 The Keyboard Waffle Iron 呀!

Chris Dimino 原來早喺2001年嘅學生時期已經利用咗舊式打字機嘅零件,同埋一部二手窩夫機制作出以The Keyboard Waffle Iron為原型嘅展品,但係當時只係因為學生展覽而做咗出嚟,完全無諗過會整成一件完整嘅產品。幾年後,佢將自己嘅作品擺咗上網之後,喺短時間內竟然有超過7百萬人嘅點擊率,同時吸引咗唔少投資者聯絡Chris。經過咗一段艱辛而漫長嘅眾籌同埋設計過程,The Keyboard Waffle Iron 逐漸被引入超過35個國家。

 


呢款Waffle 機用咗Keyboard嘅形狀作為倒模,只要放入蛋漿,或者發揮你嘅創意力加入唔同款式嘅配料,就可以隨時整到色香味俱全嘅窩夫!

如果嫌平時用得太少鍵盤,返到屋企只要整返個Keybaord Waffle嘆下,身為工作狂嘅你一定會醒神晒!

(圖片來源:The Keyboard Waffle Iron)






 

請Like我哋個Page:

 

你也有精彩的人和事跟我們分享?想查詢廣告合作?請Inbox話我哋知!





沒有留言

Blogger 提供.