【計劃急流勇退？】姜濤接受媒體專訪 自爆想29歲退休移民！坦言冇特定擇偶條件 姜濤：唔會畀自己在任何嘢框住
請Like我哋個Page：
今年22歲嘅姜濤，年紀輕輕就奪得叱咤「我最喜愛的男歌手」同「我最喜愛的歌曲大獎」，絕對係星途無限。不過佢早前接受美國華語電視節目《偶像名人堂》專訪，就自爆自己想喺29歲退休，仲有考慮過移民去外國！
（圖片來源：SinoTV MRBI @Youtube）
不過喺退休移民之前，姜濤仲有唔少音樂夢要實現。佢提到出道三年，自己嘅初心仍然係做歌手，拍嘢演戲都只係為咗打開知名度，令更多人留意自己嘅作品雖然姜濤始終最鍾意R&B，但佢嘅目標係做一個畫面、音樂上，「畀人覺得唔似係喺香港出嚟嘅作品」。而佢即將推出嘅新歌亦都放眼國際，希望香港以外嘅人都會覺得有驚喜！
（圖片來源：SinoTV MRBI @Youtube）
（圖片來源：MIRROR @Youtube）
另外主持都有問到姜濤嘅擇偶條件。姜濤就坦言自己以往係鍾意長頭髮、肥肥哋嘅女仔，但而家就冇咩特別嘅標準。佢解釋，因為唔想被任何標準束縛自己，又覺得如果鍾意一個人，係因為佢符合自己嘅擇偶標準，嗰啲根本唔係愛情。估唔到姜濤對愛情咁有自己睇法，小編都希望佢快啲遇到真命天女！
請Like我哋個Page：
你也有精彩的人和事跟我們分享？想查詢廣告合作？請Inbox話我哋知！
Leave a Comment