【生粉福利！】Anson Kong 主持Viu TV新節目《Have A Sweet Gym》 拜名師學整甜品勁「圈飯」！

 

請Like我哋個Page：

生活提案事務所 Lifenews HK

人氣男團MIRROR向來活躍於大氣電波，早前團綜《調教你MIRROR》大獲好評，Viu TV見勢加開單人綜藝節目畀鏡仔Solo。圍繞教主Anson Lo嘅《神的女主角》喺上星期五播出「大結局」，隨即由兄弟AK主持嘅《Have a Sweet Gym》喺同一時段接檔，輪到生粉們每晚捕住電視啦。

（圖片來源：ViuTV @Youtube）

AK每集都會拜會城中不同嘅甜品、糕點師傅，學整靚靚甜品。見到AK整甜品嗰陣嘅專注Chok樣，相信一眾生粉都暈哂浪。而每集都會有神秘嘉賓登場，幫生粉試下偶像嘅手勢。不過嘉賓首先要完成一連串「地獄」健身訓練，燃燒哂啲卡路里，先可以得到老闆嘅愛心甜品做獎勵。

（圖片來源：ViuTV @Youtube）

第一集AK就請咗出名識食嘅「雪雪」盧覓雪，佢哋仲一齊做「收肚操」，廢事食太多甜品會有肚腩。雖然望落好簡單，但呢套動作要求腹肌有力量，連AK都做到拿埋口面。辛苦完之後，佢哋就一齊試食AK向Bakehouse大廚Greg學整嘅酸種蛋撻，睇到小編都流哂口水。

（圖片來源：ViuTV @Youtube）

而琴日播出嘅第二集，精英運動員李嘉維（Jimmy）登場試食日式抹茶蛋糕，食之前當然要做Gym爆汗先。Jimmy精通空手道，係亞運會銅牌得主，普通嘅體能訓練點會難得到佢？於是今集難度大升級，AK同Jimmy一齊挑戰「Ninja Warrior」障礙訓練，最後AK更加超額喺2分鐘內完成整個訓練，生粉們都話估唔到老闆體能咁好！

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！