【柳柳粉聽咗未?】 Jer 柳應廷推新歌《人類群星閃耀時》為「重生」三部曲終章 曾開PO透露歌名為7個字書名 Edan:啟思語文新天地‼️






 

請Like我哋個Page:

【柳柳粉聽咗未?】 Jer 柳應廷推新歌《人類群星閃耀時》為「重生」三部曲終章 曾開PO透露歌名為7個字書名  Edan:啟思語文新天地‼️


Mirror成員Jer舊年憑住「物語」三部曲勇奪叱咤生力軍金獎,今年佢就公佈會推出「重生」三部曲。頭兩首《狂人日記》同《砂之器》迴響都好好,其中《砂之器》講親情,更加感動一眾歌迷。而前日Jer就公開咗新歌《人類群星閃耀時》,作為三部曲嘅終章,為「重生」系列畫上咗圓滿嘅句號。

新歌一如以往,都係由「物語班底」小克填詞同埋王雙駿監制,特別嘅係今次邀請咗Supper Moment作曲。各位鏡粉們都知,Jer一直視Supper Moment為偶像,更加係因為佢哋先開始學結他夾band!今次能夠同偶像合作,相信對Jer嚟講算係圓夢!


而喺推新歌之前,Jer都有喺InstagramPost賣關子,叫大家一齊估下新歌歌名,又畀提示係7個字書名。呢個Post都引來一眾網民同藝人好友留言,爆笑留言包括「鳳閣恩仇未了情」、「混血王子的背叛」,其中Error嘅肥仔就話係「哈利波特之鬼妹的考驗」。不過最搞笑嘅一定係Edan留言《啟思語文新天地》同《現代數學修訂版》,鏡粉們都話搞笑到睇完返唔到轉頭!






 

請Like我哋個Page:

 

你也有精彩的人和事跟我們分享?想查詢廣告合作?請Inbox話我哋知!





沒有留言

Blogger 提供.